ការផ្សព្វផ្សាយស្ដីពីភូមិឃុំមានសុវត្ថិភាព

ការផ្សព្វផ្សាយស្ដីពីភូមិឃុំមានសុវត្ថិភាព

  កាលពីថ្ងៃទី 26/04/2013 មានកការបើកការផ្សព្វផ្សាយមួយស្ដីពី ភូមិឃុំមានសុវត្ថិភាព ដោយមានការចូលពីលោក  ​ងឹន វ៉ានដា ដែលជា អភិបាលក្រុង , លោក  មុំ  សុថា ដែលជា  អធិការ និង  មន្ដ្រីគ្រប់ជាន់ថ្នាក់រួមទាំង អ្នកគ្រប់គ្រង សាលាបច្ចេកទេស ដុនបូស្កូ ខេត្ដកែប , លោកគ្រូ , អ្នកគ្រូ ព្រមទាំង និស្សិតទាំងអស់នៃសាលាបច្ចេកទេស ដុនបូស្កូ ។  ដោយការផ្សព្វផ្សាយនេះមានព្រឹត្ដិឡើងនៅសាលាបច្ចេកទេស ដុនបូស្កូ​ ខេត្ដកែប ចាប់ពីម៉ោង 7:30am ដល់់ម៉ោង 11:00 am ,ការផ្សព្វផ្សាយស្ដីពី ភូមិឃុំ មានសុវត្ថិភាពនេះមានគោលបំណងគឺ ចង់បានការចូលរួមគ្រប់សកម្មភាពរបស់ប្រជាជនក្នុង ភូមិឃុំអោយអស់ពី លទ្ឋភាពដែលអាចធ្វើបាន។​ គោលការណ៏ភូមិឃុំមានសុវត្ថិភាព មានលក្ខណះ ៩ យ៉ាង​គឺដើម្បី ទប់ស្កាត់រាល់ប្រការណាមួយដែលបានកើតឡើងនៅក្នុងភូមិឃុំ។ 

 លោកអភិបាលក្រុង បានមានប្រសាសន៏ថា :​ "ការផ្សព្វផ្សាយនេះគឺដើម្បីអោយប្រជាជនទាំងអស់បានយល់ដឹង​ នៅអ្វីដែលកើតមាននៅក្នុងភូមិឃុំ ហើយយើងអាចដឹង ពីរបៀបដោះស្រាយរបស់វាផងដែរ" ហើយ លោកបានបន្ដទៀតថា: ការបង្កើតអោយមានភូមិឃុំមាន សុវត្ថិភាពនេះ គឺ ដើម្បីអោយមានការលុបបំបាត់ ការប្រើប្រាស់ និង ចែកចាយ គ្រឿងញៀន , គ្មានល្បែងស៊ីសង​ និងការប្រើប្រាស់អាវុធខុសច្បាស់, គ្មានគ្រោះថ្នាក់ចារាចរណ៏ , គ្មានក្មេងទំនើង , ការទប់ស្កាត់គ្រោះធម្មជាតិ ,គ្មានការត្រួតពិនិត្យខុសច្បាប់ , គ្មានគ្រោះថ្នាក់ដោយ យុទ្ឋភណ្ឌ័​មិនទាន់ផ្ទុះ គឺប៉ុន្មានចំនុចនេះហើយបានជាមានការបង្កើតកម្មវិធីឡើង គឺ ធ្វើអោយប្រជាជនមានសន្ដិសុខនៅក្នុង ភូមិឃុំ និង​ជួយអោយប្រទេសជាតិមានការរីកចំរើន និង ធ្វើអោយមានការរីកចំរើនខាងផ្នែក ធនធានមនុស្ស។ ជាចុងក្រោយ លោកអភិបាល ក៏ បានអំពាវនាវដល់ប្រជាពលរដ្ឋ និង សិស្សានុសិស្ស  និស្សិត មានការចូលរួមទាំងអស់

គ្នា និង ជូនពរដល់ប្រជាជន ទាំងអស់ ព្រមទាំង  អ្នកគ្រប់គ្រងសាលា   លោកគ្រូ  អ្នកគ្រូ និស្សិត អោយជួបតែសំណាងល្អ  ព្រមទាំង ជួយចូលរួមទាំងអស់គ្នា ដើម្បីអោយប្រទេសជាតិរីកចំរើន។